Almannaverkið leggur dent á at geva viðskiftafólki eina skjóta og góða tænastu. Brøv, faks og teldupostur, sum verða send til Almannaverkið verða skrásett í journalskipanini og svarað skjótast møguligt. Um eitt mál krevur longri viðgerðartíð, senda vit eina váttan um, at skrivið er móttikið, við eini meting av, nær eitt svar kann væntast.

 

Almannaverkið virkar eftir fyrisitingarlógini, lógini um alment innlit og persónsupplýsingalógini.

 

Tað ber til at kæra avgerðir, sum eru tiknar av deildum innan Nærverkið.

 

Møguligar kærur skulu sendast til stjóran fyri Almannaverkið, Smyrilsvegur 20, Postsmoga  3096, 110 Tórshavn. Kærufreistin er fýra vikur.

Avgerðir, sum eru tiknar sambært forsorgarlógini, av stjóranum fyri Nærverkið, kunnu kærast til Kærunevndin í almanna- og heilsumálum. Avgerðir hjá Kærunevndini kunnu ikki leggjast fyri annan fyrisitingarligan myndugleika, men kunnu leggjast fyri Føroya Rætt.

Føroya Kærustovnur er skrivstova hjá kærunevndini í almanna- og heilsumálum, og møguligar kærur um avgerðir, sum Nærverkið hevur tikið, skulu sendast til Føroya Kærustovn, Undir Hornabakka, Postsmoga 45, FO-110 Tórshavn.

 

Løgtingsins umboðsmaður hevur eftirlit við almennari fyrisiting. Umboðsmaðurin kann viðgera klagur um avgerðir hjá myndugleikunum, eins og viðferð teirra av borgarum og málum.

 

Um tú ynskir innlit í eitt mál hjá Almannaverkinum ber til at senda eina áheitan um innlit til avav.fo ella við vanligum posti til Almannaverkið, Smyrilsvegur 20, Postsmoga 3096, 110 Tórshavn. So viðgera vit áheitanina og taka støðu til, um tað ber til at ganga henni á møti sambært galdandi lóggávu.

Sí lóg um alment innlit í fyrisitingina.